आईपीओमा आवेदन दिएर मलजल गर्ने होइन, सोना सिमेन्टको उद्योग नै बन्द गर्नुपर्छः मुनाल घिमिरे, वडा अध्यक्ष

अर्थ कागजसँग कुरा गर्दै अध्यक्ष मुनालले भने-“यो कम्पनीको आईपीओ दाङ र रोल्पाका स्थानीयवासीले किन आवेदन दिने ? यहाँका स्थानीयवासी चाहान भनेको सेयर होइन, सोना सिमेन्टको उद्योग नै सार्नु वा बन्द गर्नु पर्छ भन्ने हो । सोना सिमेन्टको उद्योग स्थापनाबाट २/४ जनाको फाइदोका कारण अहिले दाङ र रोल्पाका हजारौ जनाताले दुःख पाएका छन् ।

फ्याक्ट्रीबाट निस्केको प्रदूषणले जिल्लामा अहिले क्यान्सरको विरामी, छालाका विरामीहरुको संख्या बढ्दो छ । सिमेन्ट उद्योगबाट निस्केको प्रदूषणले स्थानीयवासिन्दाल स्वस्थ्य कानेकुरा खान पाएका छैनन् । चौपायाले समेत स्वच्छ घाँसपात खाना पाएका छैनन् ।

प्रदूषणको कारण पशुहरुमा पनि अनेक किसिमका रोगहरु देखा परेका छन् । यहाँका स्थानीयवासिन्दाको मुख्य ध्यान सोना सिमेन्ट फ्याक्ट्रीलाई बन्द गर्नु वा सार्नुमा केन्द्रीत भएको छ । बेला बेलमा स्थानीयवासिन्दाले सोना सिमेन्ट फ्याक्ट्रीमा विरोधसमेत गर्दै आइरहेका छन् । अवरोधका कारण सिमेन्ट फ्याक्ट्री बन्द पनि हुने गरेको छ ।

यहाँका राजनीतिक दलको चुनाव एजेण्डा नै सोना सिमेन्ट उद्योगलाई यहाँबाट हटाउने हुन्छ । यहाँका वासिन्दाको पहिलो माग नै सोना सिमेन्ट उद्योगलाई विस्तापित गराउने हो ।

जिल्लाका शीर्ष राजनीतिक दलका नेताहरुले सोना सिमेन्टको उद्योगलाई हटाउन पहलसमेत गरिरहेका छन् । अबको केही बर्षभित्र उक्त सिमेन्ट उद्योग हटाउन सकिए भने हाम्रो पछिल्लो पुस्ताले हामीहरुलाई धिक्कार्ने छन् ।”

कम्पनी र स्थानीयवासिन्दाबिच भएको सहमतिलाई कम्पनीले लात हान्दै आएको समेत अध्यक्ष घिमिरेले बताए । कम्पनीको नाफाको केही प्रतिशत गाउँको विकासमा सहयोग गर्ने सहमति भए पनि अझैसम्म केही नगरेको अध्यक्ष घिमिरेको भनाई छ । घोराही उपमहानगरपालिकका वडा नम्वर १८ मा सोना सिमेन्ट उद्योग रहेको छ । घिमिरे फिल्म निर्माता समेत हुन ।

यो कम्पनीको आईपीओमा स्थानीयवासीले आवेदन दिएका छैनन् ।

यो पनि पढौं ।

सौर्य सिमेन्टले गर्दा टाँटरी गाउँ नै जोखिम,जथाभावी चुनढुङ्गा उत्खननका कारण पहिरोको उच्च संभावना