यि हुन नेपालको नम्वर वान एनआईसी एशिया बैंकका सेयरधनी, कसको कति कित्ता सेयर ?

सवैको पहुँचमा बैक पुर्याउनु पर्छ भन्ने हेतुले शाखा विस्तारमा आक्रम बनेको यस बैंकको ३६० शाखा रहेको छ । त्यसैगरी ३६ लाख ५५ हजार ४१३ वटा बचत खाता रहेको छ भने ५ सय १७ वटा एटिएम रहेको छ । बैंकले सार्वजनिक गरेको वित्तिय विवरण अनुसार अरु वाणिज्य बैंकको तुलनामाम एनआईसी एशिया बैंक हरेक परिसुचकमा अब्बल र पहिलो स्थानमा देखिएको छ ।

वित्तिय विवरणले अब्बल र सवल एनआईसी एशिया बैंकको सवै भन्दा ठूला सेयरधनी त्रिलोक चन्द अग्रवाल रहेका छन् । अग्रवालसँग ६१ लाख ७० हजार ३७६ कित्ता रहेको छ । उनी बैंकका संचालकपनि हुन् । त्यसै गरी संचालक समितिका अध्यक्ष तुलसीराम अग्रवालसँग २० लाख ६२ हजार ८११ कित्ता, संचालक रामचन्द्र संघईसँग ५१ लख २ हजार ७५१ कित्ता, संचालक निकुञ्ज अग्रवालसँग २० लाख ५७ हजार ३९५ कित्ता, संचालक गणेशमान श्रेष्ठसँग ३७१ कित्ता, संचालक आदित्य कुमार अग्रवाल १४३ कित्ता र संचालक केशवप्रसाद लम्सालसँग १२५ कित्ता सेयर रहेको छ ।

त्यसै गरी सिइओ रोशन कुमार न्यौपानेसँग ५ हजार ७५२ कित्ता, नायव प्रमुख कार्यकारी अधिकृत सुधिर नाथ पाण्डेसँग १० हजार ५७७ कित्ता, सहायक प्रमुख कार्यकारी अधिकृत सन्तोष कुमार राठीसँग ६ हजार ४०४ कित्ता, सहायक प्रमुख अधिकृत राजेश रावल ४ हजार ८२४ कित्ता र सहायक प्रमुख कार्यकारी अधिकृत जयन्द्र रावलसँग ६ हजार ३५५ कित्ता रहेको छ ।