हिमालयन रिइन्स्योरेन्सको १५ लाख कित्ता आईपीओको लकइन अवधि समाप्त हुँदै

नेपाल धितोपत्र बोर्डको मिति २०८० कार्तिक २० गतेको निर्देशन अनुसार कम्पनीले सामूहिक लगानी कोष योजनाहरुलाई बाँडफाँड गरिएको साधारण सेयर सर्वसाधारणलाई सार्वजनिक निष्काशन गरी बाँडफाँड भएको मितिले ६ महिनासम्म लकईन राख्नुपर्ने व्यवस्था गरेको थियो ।

कम्पनीले आईपीओ जारी गर्दा सर्वसाधारणलाई छुट्टाएको सेयरको ५ प्रतिशतले हुन आउने १५ लाख कित्ता सामूहिक लगानी कोष नियमावली, २०६७ को नियम ४६ बमोजिम सामूहिक लगानी कोषहरुको लागि सुरक्षित गरिएको थियो ।

सर्वसाधारणमा बाँडफाँड गरिएको मिति २०८० पुस ११ बाट ६ महिनासम्म लक ईनमा राखिएकोमा उक्त लक ईनको अवधि मिति असार १० गते पश्चात समाप्त हुने भएकाले तत् पश्चात कम्पनीले उक्त सेयर बिक्रि गर्न सक्नेछन् ।