सर्वोत्तम सिमेन्ट र जगदम्बा सिमेन्टद्वारा प्रधानमन्त्री दैवी प्रकोप उद्धार कोषमा १ करोड ११ लाख ११ हजार १११ सहयोग

२०८३ भदौ १० गते बिहान रसुवाको भोटेकोशी नदीमा आएको विनाशकारी बाढीले ठूलो जनधनको क्षति पु¥याएको थियो । यस राष्ट्रिय विपद्को कठिन समयमा प्रभावित नागरिकप्रति ऐक्यबद्धता जनाउँदै सर्वोत्तम सिमेन्ट र जगदम्बा सिमेन्टले संयुक्त रूपमा उक्त सहयोग गर्ने निर्णय गरेको हो । प्रधानमन्त्री दैवी प्रकोप उद्धार कोषमार्फत उपलब्ध हुने यस रकमले बाढी प्रभावित परिवारहरूको तत्कालीन राहत, उद्धार तथा पुनःस्थापनाका प्रयासमा योगदान पु¥याउने विश्वास कम्पनीले लिएको छ ।

सर्वोत्तम सिमेन्ट र जगदम्बा सिमेन्टले व्यवसायिक सफलतासँगै सामाजिक उत्तरदायित्वलाई पनि आफ्नो प्राथमिकताको महत्वपूर्ण हिस्सा मान्दै आएका छन् । शिक्षा, स्वास्थ्य, पूर्वाधार तथा समुदाय केन्द्रित विभिन्न सामाजिक कार्यमा योगदान गर्दै आएका यी दुवै कम्पनीले आगामी दिनमा पनि देश र समुदायलाई आवश्यक परेको समयमा हरेक सम्भव सहयोग तथा सहकार्यलाई निरन्तरता दिने प्रतिबद्धता व्यक्त गरेका छन् ।

भोटेकोशी बाढीमा परी असामयिक निधन हुनुभएको सम्पूर्ण दिवंगत आत्माहरु प्रति हार्दिक श्रद्धाञ्जली अर्पण गर्दै प्रभावित सम्पूर्ण नागरिकप्रति सर्वोत्तम सिमेन्ट र जगदम्बा सिमेन्ट हार्दिक सहानुभूति व्यक्त गर्दछ । साथै, विपद्को यस कठिन समयमा प्रभावित परिवार तथा समुदायको शीघ्र राहत, उद्धार र पुनःस्थापनाको काम सफल होस् भन्ने कामना गर्दछ ।