श्रीनगर एग्रीटेक इन्डस्ट्रिजको साधारणसभा सम्पन्न, आईपीओ जारी गर्ने

रुपन्देही । श्रीनगर एग्रीटेक इन्डस्ट्रिज लिमिटेडले आईपीओ जारी गर्ने भएको छ । गत मंसिर ३० गते बुटवल उपमहानगरपालिका रुपन्देहीमा सम्पन्न दोस्रो बार्षिक साधारणसभाले कम्पनीको कूल चुक्ता पुँजिको दस प्रतिशत सर्वसाधारणका लागि साधारण सेयर निश्कासन गर्ने प्रस्ताव पारित गरेको छ । सभाले साधारण सभाले कम्पनीका संस्थापक सतिस चन्द श्रेष्ठ, मौसुमि श्रेष्ठ , कमल प्रसाद नेपाल, पोषक राज पौड्याल तथा राम कृष्ण खतिवडालाई संचालक समितिमा चयन गरेको छ ।

त्यसै गरी साधारण सभाले स्वतन्त्र सन्चालकमा अमर बहादुर थिंगलाई अनुमोदन गरेको छ । साधारण सभाले कम्पनीका अध्यक्षद्वारा प्रस्तुत श्रीनगर एग्रीटेक इन्डस्ट्रिजको बार्षिक प्रतिबेदन पारित गरेको छ । साधारण सभाद्वारा निर्वाचित नया संचालकहरुलाई निर्वाचन समितिका संयोजक अधिवक्ता विश्वास आचार्यले पद तथा गोपनियताको शपथग्रहण गराएका थिए । साधारण सभापछि बसेको कम्पनीको संचालक समितिको बैठकले सतिस चन्द श्रेष्ठलाइ कम्पनिका अध्यक्षमा निर्वाचित गरेको छ । यस अघि सम्पन्न साधारण सभामा कम्पनीसँग साझेदारि गर्ने उत्कृस्ट कृषक , कृषि सहकारी संस्था , साझेदारी संस्था तथा कर्मचारिहरुलाइ सम्मान गरिएको थियो । कार्यक्रममा, सुद्दोदन गाउपलिका, रुपन्देहीका उपाध्यक्ष, शान्तादेबी ज्ञवाली , लुम्बिनी – प्रदेश कृषि सहकारी संघ लि. अध्यक्ष, गोपाल पौड्याल, कम्पनिका शेयरधनि तथा पूर्व राजदूत दुर्गेश मान सिंह, सेयरधनी, वरिष्ठ समाजसेवि गजेन्द्र ब. श्रेष्ठ, आइजिआइ प्रुडेन्सियल इन्सुरेन्सका प्रमुख कार्यकारी अधिकृत युगेश भक्त वाडे श्रेष्ठ लगायतको उपस्थिति रहेको थियो ।