नेपाल इन्भेष्टमेन्ट मेगा बैंकको सिईओ ज्योति प्रकाश पाण्डेको तलव/भत्ता ३ करोड ६ लाख, ३ जना सुरक्षा गार्डको व्यवस्था !

अर्थकागज

प्रकाशित: ०८ फागुन २०८१

काठमाडौं । नेपाल इन्भेष्टमेन्ट मेगा बैंक लिमिटेडले प्रमुख कार्यकारी अधिकृत (सिइओ) लाई तलव/भत्ता बापत ३ करोड ६ लाख ३३ हजार ७९७ रुपैयाँ भुक्तानी गरेको छ । आर्थिक वर्ष २०८०/८१ को लागि बैंकले सिईओलाई उक्त रकम बराबरको तलव भत्ता भुक्तानी गरेको हो ।

बैंकको सिईओमा पृथ्वी बहादुर पाँडेको भाई ज्योति प्रकाश पाण्डे रहेका छन् । सिइओ ज्योति प्रकाश पाण्डेले तलव १ करोड ६० लाख ७६ हजार ५२ रुपैयाँ, भत्ता १ करोड ७ लाख १७ हजार ३५६ रुपैयाँ, दशैं भत्ता २२ लाख ३२ हजार ७८४ रुपैयाँ र संचय कोष १६ लाख ७ हजार ६९५ रुपैयाँ बैंकबाट बुझेका छन् ।

बैंकले सेयरधनीलाई लाभांश दिन नसक्ने सिईओ ज्योति प्रकाश पाण्डेले तलव भत्ता र अन्य सेवा सुविधा बढाउँदै लगेपछि सेयरधनीहरु रुष्ट भएका छ । आउने बार्षिक साधारणसभा चर्काे विरोध गर्ने सेयरधनी स्याम नारायण श्रेष्ठले अर्थ कागजलाई बताए । गत आर्थिक वर्षको बार्षिक साधारणसभा पनि सेयरधनीले चर्काे विरोध गरेपछि विहान १०ः३० बजेदेखि सुरु भएको बार्षिक साधारणसभा बेलुका ५ बजे सकिएको थियो । बैंकले सिईओ ज्योति प्रकाश पाण्डेलाई ३ जना सुरक्षा गार्ड समेत दिएका छन् । गत वर्षको ३७ औं बार्षिक साधारणसभा बलियो सुरक्षा गार्डसहित बार्षिक साधारण संचालक गरेको यस बैंकले सभाहलमा सेयरधनीको चर्काे विरोध गरेपछि सुरक्षा गार्डलाई बाहिर निकालिएको थियो ।