सानिमा रिलायन्सको नगद लाभांश शेयरधनीको खातामा

कम्पनीको चैत ८ गतेको आठौं वार्षिक साधारणसभाले पारित गरेको ८ प्रतिशत नगद लाभांश सम्बन्धित शेयरधनीको बैंक खातामा पठाइएको हो ।  फागुन २५ गतेसम्म कायम शेयरधनीले मात्र लाभांश प्राप्त गरेका छन् । साधारणसभा प्रयोजनार्थ फागुन २६ गते बुक क्लोज गरेको थियो ।

त्यस्तै २५ गतेसम्म शेयर धितो राखेर कर्जा लिएका शेयरधनीले कर्जा लिएको बैंक तथा वित्तीय संस्थाबाट एनओसी वा फुकुवा पत्र पेश गरेपछि नगद लाभांश बैंक खातामा पठाइने कम्पनीले जनाएको छ ।साथै सातौं वार्षिक साधारणसभाबाट पारित १८.३८११ प्रतिशत बोनस शेयरमा लाग्ने लाभांश कर नतिरेका शेयरधनीको हकमा चालू आवमा वितरण गरिने नगद लाभांशमा कट्टा गरी हितग्राही खातामा जम्मा गरिनेछ । कम्पनीको शेयर रजिष्ट्रारमा सानिमा क्यापिटल लिमिटेड रहेको छ ।