ग्लोबल आईएमई बैंकको नाफा बढेर १ अर्ब ५१ करोड पुग्यो, अन्य अवस्था कस्तो ?

असोज मसान्तसम्ममा बैंकले १ अर्ब ५१ करोड २१ लाख रुपैयाँ खुद नाफा कमाएको छ। यो गत आर्थिक वर्षको सोही अवधिको तुलनामा २३.३६ प्रतिशत बढी हो। गत आर्थिक वर्षको सोही अवधिसम्ममा बैंकले १ अर्ब २२ करोड रुपैयाँ खुद नाफा कमाएको थियो।

यो अवधिसम्ममा बैंकको खुद ब्याज आम्दानी १४.२२ प्रतिशत घटेको छ भने सञ्चालन आम्दानी पनि १९.४० प्रतिशतले बढेको छ। समिक्षा अबधी सम्ममा बैंकको वितरणयोग्य मुनाफा १ अर्ब ९१ करोड रुपैयाँ रहेको छ भने प्रतिसेयर लाभांश वितरण क्षमता १४.१८ रुपैयाँ रहेको छ ।

नाफासँगै बैंकको प्रतिशेयर आम्दानीमा पनि बृद्धि आयको छ। समीक्षा अवधिमा बैंकको ईपिएस बढेर १६ रुपैयाँ ७४ पैसा पुगेको छ। असोज मसान्तसम्ममा बैंकको प्रतिसेयर नेटवर्थ १७४.२० रुपैयाँ रहेको छ। बैंकको खराब कर्जा बढेर ४.६७ प्रतिशत पुगेको छ गत आर्थिक वर्षमा बैंकको खराब कर्जा ४.३८ प्रतिशत रहेको थियो ।