राप्ती हाइड्रोको अवितरित हकप्रद सेयर लिलाम बिक्रीमा

कम्पनीले असार १० देखि २४ गतेसम्म प्रतिकित्ता १०० रुपियाँका दरले १ः१ अनुपातमा ६१ लाख २७ हजार ९३८ कित्ता हकप्रद सेयरको बिक्री खुलाएको थियो । उक्त हकप्रदमा जेठ ५ गतेसम्म कायम सेयरधनीले मात्रै आवेदन दिएका थिए ।

रीतपूर्वक आवेदन दिएकाहरू सेयर बाँडफाँट गरिसकिएको र बाँकी रहेको ७ लाख ४ हजार १११ कित्ता सेयर कम्पनीले लिलामी बढाबढमार्फत बिक्री गर्न लागेको हो ।

यसमध्ये सर्वसाधारण समूहतर्फको ५ लाख ६४ हजार १० कित्ता लकइनमा नरहेको सेयर हो भने सोही समूहको १ लाख ४० हजार १०१ कित्ता शेयर यही साउन ८ गतेसम्म लकइनमा रहने शेयर हो

प्रतिकित्ता १०० रुपियाँ तोकिएको उक्त सेयर किन्न इच्छुक जोकोही व्यक्ति, कम्पनी, संघसंस्थाले साउन २० गतेभित्र आफूले के कति दररेटमा लिने हो सोको विवरण खुलाई गोप्य शिलबन्दी बोलपत्र पेश गर्नुपर्नेछ ।

लगानीकर्ताले न्यूनतम १०० कित्ता र अधिकतम सबै कित्ताको माग गर्दै आवेदन दिन सक्नेछन् ।

बोलपत्र आवेदन फाराम मुक्तिनाथ क्यापिटल लिमिटेडको प्रधान कार्यालय नारायणचौर, नक्साल, काठमाडौंका साथै मुक्तिनाथ विकास बैंकका ठिमी, कुमारीपाटी, बिर्तामोड, विराटनगर, वीरगन्ज, जनकपुर, हेटौंडा, नारायणगढ, चिप्लेढुंगा, बागलुङ, घोराही, नेपालगन्ज, वीरेन्द्रनगर, धनगढी र महेन्द्रनगर कार्यालयमा पाइनेछ भने सोही स्थानमा बुझाउन सकिनेछ ।