अरुण-३ जलविद्युत आयोजनामा स्थानीयको अवरोध, इप्पानको ध्यानाकर्षण

इप्पानले एक प्रेस विज्ञप्ती जारी गर्दै विदेशी लगानीमा निर्माणाधिन आयोजनामा भइरहेको अवरोधले नेपालको जलविद्युत विकासमा विदेशी लगानीलाई निरुत्साहित गर्ने हुँदा स्वतन्त्र ऊर्जा उप्पादकहरु चिन्तित भएको उल्लेख गरेको छ । 

आयोजना निर्माणका क्रममा निस्किएका कुनै पनि विवादलाई वार्ता र छलफलका माध्यमबाटै समाधान गरेर जान सकिने भन्दै यसका लागि अयोजान र स्थानीयका बीचमा सरकारले मध्यस्थता गरेर भएपनि वार्ताबाटै निकास दिई आयोजनाको काम यथाशक्य चाँडो सुचारु गराउन इप्पानले सरकारसँग माग गरेको छ । 

इप्पानले आयोजना निर्माणमा भइरहेको अवरोध हटाई काम सुचारु गराउनका लागि नेपाल सरकार, ऊर्जा, जलस्रोत तथा सिंचाई मन्त्रालय र गृह मन्त्रालयलाई ध्यानाकर्षण गराएको छ ।