सिटिजन लाइफको साधारणसभा सम्पन्न, लाभांश प्रस्ताव पारित

कम्पनीका संचालक समितिका अध्यक्ष प्रदिप जङ्ग पाण्डेको अध्यक्षतामा सम्पन्न सभाले चुक्ता पूँजीको २६.९८४१२६९८ प्रतिशत बोनस शेयर र १.४२०२२ प्रतिशत नगद लाभांश (कर समेत) वितरणको प्रस्ताव पारित गरेको छ।

त्यस्तै बोनस शेयर बाँडेपछि चुक्ता पूँजी ५ अर्ब पुग्ने भएकाले सोही बमोजिम कम्पनीको प्रबन्धपत्र संशोधन गर्ने, खर्च अनुमोदन गर्ने र सञ्चालक समितिलाई अख्तियारी दिने विशेष प्रस्ताव पनि पारित भएको छ। त्यसैगरी सभाले गत आर्थिक वर्षको वार्षिक प्रतिवेदन लगायतका वित्तीय विवरणहरू पारित गरी चालू आवको लागि लेखापरीक्षक नियुक्ति र पारिश्रमिक निर्धारणको विषयपनि सभाले टुङ्ग्याएको छ।

सभामा १५ जना सेयरधनीहरुले बोलका थिए । सभामा बोल्ने अधिकांश सेयरधनीले संचालक समिति र कम्पनीका सिईओ पोषकराज पौडेलको चर्चा गरेका थिए । सेयरधनीहरुले यो आर्थिक वर्ष २०८१/८२ मा पनि सेयरधनीले गत आर्थिक वर्षमा पाए भन्दा धेरै लाभांश पाउने अपेक्षा गरेका थिए ।