साँझको समयमा लोडसेडिङ हुने अवस्था छ : ऊर्जामन्त्री

मन्त्री खड्काले यसअघि लोडसेडिङको अन्त्य भएको भनिए पनि उद्योगमा लोडसेडिङ कायमै रहेको जिकिर गरे। भारतबाट विद्युत् आयात गरेर धान्नसक्ने अवस्था अब नरहेको उनको भनाइ छ। मन्त्री खड्काले वर्षायाममा उत्पादित ३५ सय मेगावाटमध्ये विद्युत् प्राधिकरणले ७ सय मेगावाट विद्युत् मात्र उत्पादन गरेको र बाँकी सबै विद्युत निजी क्षेत्रले उत्पादन गरेको जानकारी दिए। निजी क्षेत्रको उत्पादन र भारतबाट आयात गरिएकाले लोडसेडिङ हटेको जस्तो देखिएको भन्दै उनले उज्यालो नेपालको नायक कुलमान घिसिङ नभएको तर्क गरे। उनले कुलमान घिसिङले सार्वजनिक गरेको प्राधिकरणको नाफाको विषयमा पनि सत्यता नरहेको जिकिर गरे।