माघमा करीब ७८ प्रतिशत बढ्यो कारोबार रकम

पुसमा २ अर्ब १५ करोड रुपैयाँभन्दा बढीको शेयर कारोबार भएको ‘अन्य’ समूहको माघमा ९ अर्ब २९ करोड रुपैयाँभन्दा बढीको शेयर कारोबार भएको हो । पुसको तुलनामा माघमा चार समूहको कारोबार रकम घटेको छ । नेप्सेका अनुसार म्युचुअल फण्डको १८ दशमलव ५२ प्रतिशत, व्यापारको १८ दशमलव शून्य ६ प्रतिशत, बैंकिङ्गको ५ दशमलव ४३ प्रतिशत र ऋणपत्रको २ दशमलव २६ प्रतिशत कारोबार रकम घटेको हो । पुसमा ३१ करोड २९ लाख रुपैयाँभन्दा बढीको कारोबार भएको म्युचुअल फण्डको माघमा भने २५ करोड ४९ लाख रुपैयाँभन्दा बढीको मात्र कारोबार भएको हो । त्यस्तै, पुसमा ३७ करोड रुपैयाँभन्दा बढीको कारोबार भएको व्यापार समूहको माघमा ३० करोड रुपैयाँभन्दा बढीको मात्र कारोबार भएको छ । बैंकिङ्ग समूहको पुसमा ७ अर्ब ८५ करोड रुपैयाँभन्दा बढीको कारोबार भएकोमा माघमा ७ अर्ब ४२ करोड रुपैयाँभन्दा बढीको मात्र कारोबार भएको हो । ऋणपत्रको कारोबार भने पुसमा ४० करोड ८८ लाख रुपैयाँभन्दा बढीको भएकोमा माघमा ३९ करोड ९६ लाख रुपैयाँभन्दा बढीको मात्र भएको हो ।