लगानीकर्ताको हात खाली नगर्ने कुमारी बैंकको विश्लेषण : लगानी गर्न कति सुरक्षित ?

वित्तीय अवस्था नियालौँ

बैंकले सार्वजनिक गरेको गत आर्थिक वर्ष २०७९/८०को चौथो त्रैमाससम्मको वित्तीय विवरण हेरेर बैंकको वित्तीय अवस्थाको चर्चा गर्न सकिन्छ । गत आर्थिक वर्षको अन्त्यसम्ममा बैंकले १ अर्ब ९५ करोड रुपैयाँ खुद नाफा कमाएको छ । यो नाफा अघिल्लो वर्षको भन्दा २४.१४% थोरै हो । अघिल्लो वर्षको यसैअवधिमा बैंकले २ अर्ब ५७ करोड रुपैयाँ नाफा कमाएको थियो । समीक्षा अवधिमा बैंकको सञ्चालन मुनाफा १५ दशमलव २४ प्रतिशतले घटेर ३ अर्ब ३ करोड रुपैयाँ मात्र रहेको छ । चौथो त्रैमाससम्म बैंकले आफ्नो खुद ब्याज आम्दानी भने ७७ दशमलव ११ प्रतिशतले बढाएर ११ अर्ब १ करोड रुपैयाँ पुर्याएको छ । बैंकको वितरणयोग्य मुनाफा ८४ करोड ८३ लाख रुपैयाँ ऋणात्मक रहेको छ। अघिल्लो वर्षको यसै अवधिमा बैंकको वितरणयोग्य मुनाफा १ अर्ब ८७ करोड रुपैयाँ रहेको थियो । रिजर्भमा ११ अर्ब ३७ करोड रुपैयाँ रहेको बैंकको प्रतिसेयर आम्दानी (ईपीएस) १० रुपैयाँ ०८ पैसाले घटेर ७ रुपैयाँ ४६ पैसामा झरेको छ । बैंकको प्रतिसेयर नेटवर्थ १४० रुपैयाँ ४७ पैसा रहेको छ ।

सेयर बजारमा कुमारी बैंक

सेयर बजारमा कुमारी बैंकको स्थानको चर्चा गर्नुपर्दा नेपाल स्टक एक्सचेञ्जमा बैंकको २६ करोड २२ लाख ५८ हजार ६ सय १३ कित्ता सेयर सूचिकृत छ । हिजो असोज १४ गते, आइतबारको कारोबार अनुसार नेप्सेमा यस बैंकको सेयरमूल्य एक सय ५९ रूपैयाँ छ । कम्पनीको सेयर एक वर्षयता अधिकतम २ सय ११ रूपैयाँ ६० पैसा र न्युनतम एक सय ५४ रूपैयाँमा कारोबार भएको छ ।

बैंकको पछिल्लो १८० दिनको औषत मूल्य एक सय ७१ रूपैयाँ ४६ पैसा रहेको छ । यस्तै, बैंकको पछिल्लो १२० दिनको औषत मूल्य एक सय ६५ रूपैयाँ ३ पैसा रहेको छ । कम्पनीको औषत मूल्यलाई आधार मानेर हेर्दा कम्पनीको सेयरमूल्य हाल थोरै घटेको छ ।

लाभांश वितरणमा कुमारी बैंकको स्थान

लगानीकर्ताहरुलाई लाभांश वितरण गर्नमा कुमारी बैंकको निरन्तरता देखिन्छ । बैंकले कुनै पनि आर्थिक वर्षमा ग्याप नराखी निरन्तर रुपमा आफ्ना सेयरधनीहरुलाई लाभांश वितरण गर्दै आएको तथ्याङ्कमा देखिन्छ । बैंकको विगत १२ वर्षको लाभांश इतिहास हेर्दा कुमारी बैंकमा लगानी गर्ने लगानीकर्ताहरुले औषतमा राम्रै मुनाफा हासिल गरेको देखिन्छ ।

कुमारी बैंकको १२ वर्षको लाभांश इतिहास नियाल्दा बैंकले धेरैमा ३४.७४ प्रतिशत र थोरैमा ७ प्रतिशत लाभांश वितरण गरेको छ । बैंकले सबैभन्दा धेरै आर्थिक वर्ष २०७०/७१ मा ३४.७४ प्रतिशत लाभांश (३३ प्रतिशत बोनस र १.७४ प्रतिशत नगद) वितरण गरेको थियो भने सबैभन्दा थोरै आर्थिक वर्ष २०६८/६९ मा ७ प्रतिशत नगद लाभांश वितरण गरेको थियो ।

कुमारी बैंक लिमिटेडको १२ वर्षको लाभांश इतिहास हेर्नुस् :

१. आर्थिक वर्ष २०६७/६८ :

आर्थिक वर्ष २०६७/६८ मा बैंकले आफ्ना सेयरधनीहरूलाई ८ प्रतिशत बाेनस र ०.४४ प्रतिशत नगद गरि कूल ८.४४ प्रतिशत लाभांश वितरण गरेकाे थियाे ।

२. आर्थिक वर्ष २०६८/६९ :

आर्थिक वर्ष २०६८/६९ मा बैंकले आफ्ना सेयरधनीहरूलाई ७ प्रतिशत नगद लाभांश वितरण गरेकाे थियाे । याे वर्ष बैंकले बाेनस दिएकाे थिएन ।

३. आर्थिक वर्ष २०६९/७० :

आर्थिक वर्ष २०६९/७० मा बैंकले आफ्ना सेयरधनीहरूलाई १४ प्रतिशत बाेनस सेयर वितरण गरेकाे थियाे । याे वर्ष बैंकले नगद दिएकाे थिएन ।

४. आर्थिक वर्ष २०७०/७१ :

आर्थिक वर्ष २०७०/७१ मा बैंकले आफ्ना सेयरधनीहरूलाई ३३ प्रतिशत बाेनस र १.७४ प्रतिशत नगद गरि कूल ३४.७४ प्रतिशत लाभांश वितरण गरेकाे थियाे ।

५. आर्थिक वर्ष २०७१/७२ :

आर्थिक वर्ष २०७१/७२ मा बैंकले आफ्ना सेयरधनीहरूलाई ११ प्रतिशत बाेनस र ०.५८ प्रतिशत नगद गरि कूल ११.५८ प्रतिशत लाभांश वितरण गरेकाे थियाे ।

६. आर्थिक वर्ष २०७२/७३ :

आर्थिक वर्ष २०७२/७३ मा बैंकले आफ्ना सेयरधनीहरूलाई २१ प्रतिशत बाेनस र १.१ प्रतिशत नगद गरि कूल २२.१ प्रतिशत लाभांश वितरण गरेकाे थियाे ।

७. आर्थिक वर्ष २०७३/७४ :

आर्थिक वर्ष २०७३/७४ मा पनि बैंकले आफ्ना सेयरधनीहरूलाई १२.७५ प्रतिशत बाेनस सेयर वितरण गरेकाे थियाे । याे वर्ष बैंकले नगद दिएकाे थिएन ।

८. आर्थिक वर्ष २०७४/७५ :

आर्थिक वर्ष २०७४/७५ मा बैंकले आफ्ना सेयरधनीहरूलाई ८.५ प्रतिशत बाेनस सेयर वितरण गरेकाे थियाे । याे वर्ष बैंकले नगद दिएकाे थिएन ।

९. आर्थिक वर्ष २०७५/७६ :

आर्थिक वर्ष २०७५/७६ मा बैंकले आफ्ना सेयरधनीहरूलाई १० प्रतिशत बाेनस र ०.५२ प्रतिशत नगद गरि कूल १०.५२ प्रतिशत लाभांश वितरण गरेकाे थियाे ।

१०. आर्थिक वर्ष २०७६/७७ :

आर्थिक वर्ष २०७६/७७ मा बैंकले आफ्ना सेयरधनीहरूलाई १०.८५ प्रतिशत बाेनस र ३.१५ प्रतिशत नगद गरि कूल १४ प्रतिशत लाभांश वितरण गरेकाे थियाे ।

११. आर्थिक वर्ष २०७७/७८ :

आर्थिक वर्ष २०७७/७८ मा बैंकले आफ्ना सेयरधनीहरूलाई १०.८५ प्रतिशत बोनस र ३.१५ प्रतिशत नगद गरि कूल १४ प्रतिशत लाभांश वितरण गरेको थियो ।

१२. आर्थिक वर्ष २०७८/७९ :

आर्थिक वर्ष २०७८/७९ मा बैंकले आफ्ना सेयरधनीहरूलाई १२.५ प्रतिशत नगद लाभांश वितरण गरेको थियो ।

बैंकको व्यवस्थापकिय पक्ष

कुनै पनि कम्पनी कस्तो हो, कस्तो छ र कस्तो थियो भन्ने कुराको गहिराई बुझ्न उक्त कम्पनीको व्यवस्थापकिय पक्ष केलाउनु जरुरी हुन्छ । व्यवस्थापकिय पक्ष अर्थात् कम्पनीको व्यवस्थापन । कम्पनीको हरेक राम्रा तथा नराम्रा अवस्थाहरूमा व्यवस्थापकिय पक्षको ठूलो भुमिका हुने गर्दछ ।

बैंकको प्रमुख कार्यकारी अधिकृतमा रमेश राज अर्याल रहेका छन् । बैंकको वरिष्ठ उपप्रमुख कार्यकारी अधिकृतमा लोक रामचन्द्र खनाल रहेका छन् । त्यसैगरी, बैंकको अध्यक्षमा अमिर प्रताप जेबी राना रहेका छन् । बैंकको सञ्चालकहरूमा क्रमशः उपेन्द्र केशरी न्यौपाने, कृष्ण प्रसाद ज्ञवाली, चन्द्र प्रसाद बास्तोला, महेश प्रसाद पोखरेल र इमान सिंह लामा रहेका छन् ।

समग्रमा : बैंकमा लगानी कति सुरक्षित ?

समग्रमा कुमारी बैंक लिमिटेडलाई हेर्दा कुमारी बैंक लगानीकर्ताहरुको रोजाईमा पर्ने गरेको बैंकमध्ये एउटा वाणिज्य बैंक हो । औषतमा बैंकले सेयरधीहरूलाई निरन्तर रुपमा प्रतिफल दिएको हुनाले लगानीकर्ताहरूले बैंकलाई दिर्घकालिन लगानीका लागि रुचाएका छन् ।

हाल बैंकको पीई रेसियो २१.३१ गुणा रहेको छ । सामान्यतय २० भन्दा कम पीई भएका कम्पनीहरू लगानीका लागि सुरक्षित मानिन्छ । कुमारी बैंकको मूल्य आम्दानी अनुपात अर्थात पीई रेसियो पनि २१ रहेकाले बैंकमा दिर्घकालिन रुपमा लगानी गर्नुु सुरक्षित देखिन्छ । बैंकको सेयरमूल्य पनि अहिले निकै तल्लो विन्दुुमा रहेको छ । यसरी मूल्य सस्तिएको समयमा कुमारी बैंकको सेयर किन्दा भविष्यका लागि राम्रो देखिन्छ ।

हामीले लगानी गर्दा एउटा पक्षको आधारमा मात्र गर्न हुँदैन । लगानी गर्दा कम्पनीका विभिन्न पक्षहरूलाई राम्ररी केलाएर मात्र लगानी गर्नुपर्दछ । कुमारी बैंक लिमिटेडको विभिन्न पक्ष केलाउँदा कम्पनीमा गरिने लगानी दीर्घकालिन रूपमा सुरक्षित देखिन्छ ।