आजसम्म कायम सेयरधनीहरुले मात्र बलेफी हाइड्रोपावरको १०० प्रतिशत हकप्रद पाउने

कम्पनीले हकप्रद प्रयोजनाका लागि भोलि कार्तिक २१ गते एक दिनका लागि बुकक्लोज गर्ने भएकाले आज कार्तिक २० गतेसम्म कायम सेयरधनीहरुले मात्र कम्पनीको हकप्रदमा आवेदन दिन पाउनेछन् ।

नेपाल धितोपत्र बोर्डले कार्तिक ४ गते कम्पनीलाई हकप्रद निष्काशन अनुमति दिएको थियो । धितोपत्र बोर्डले कम्पनीलाई हाल कायम १ कित्ता सेयर बराबर नयाँ १ कित्ता सेयर निष्कासन गर्न अनुमति दिएको हो ।

कम्पनीले १ अर्ब ८२ करोड ७९ लाख ७० हजार रुपैयाँ बराबरको १ करोड ८२ लाख ७९ हजार ७०० कित्ता हकप्रद निस्कासन गर्न लागेको हो । कम्पनीको शेयर निष्कासन तथा बिक्री प्रबन्धकमा एनआईएबिएस क्यापिटल रहेको छ ।