सरकारको अस्थिर नीतिले लगानीकर्ता पर्ख र हेरको अबस्थामा

नेपाल राष्ट्र बैंकले अस्थिर नीति लिएकै कारण बजारमा ठूलो गिरावट आयो । लगानीमैत्री बाताबरण नभएर ठूला तथा सस्थागत लगानीकर्ता बजारमा पर्ख र हेरको अबस्थामा छन् ।

जब बैंक ब्याजदर घट्दै जान्छ तब शेयरबजारमा नि सकारात्मक असर पर्छ तर अहिले ठिक बिपरित भइरहेको छ । यो हुनुको कारण राज्यले लगानीलाई प्रोत्साहन गरिरहेको छैन् । अहिले बजारमा पर्याप्त तरलता र घट्दो ब्याजदर हुँदा पनि सरकारले लगानीको उचित बाताबरण नबनाउँदा ठूला तथा सस्थागत लगानीकर्ताको उपस्थिति कम हुँदा राम्रा र सबल मानिएको कम्पनीहरुको शेयरमूल्य ज्यादै तल आएको छ । हाम्रो बजारमा दीर्घकालीन लगानीकर्ता भन्दा अल्पकालीन टेडर्स (Traders) हाबी भएकोले धेरै समय बजार १८०० देखि २२०० पुग्ने गरेको छ । राम्रो मानिएको कम्पनीहरुको शेयरमा लगानीकर्ताको आकर्षक कम हुँदै गएर ५२ हप्ताको न्यून मुल्यमा कारोबार भइरहेको छ । बजारलाई बिकास र दिगो बनाउन ठूला तथा सस्थागत लगानीकर्ता आउनुको विकल्प देखिदैन ।