मुक्तिनाथ कृषि कम्पनीको आईपीओ आजबाट खुल्यो, विदेश जानेले भर्न पाउने

कम्पनीले आफ्नो जारी पुँजी ७० करोड रुपैयाँको २० प्रतिशतले हुन आउने १४ करोड रुपैयाँ बराबरको १४ लाख कित्ता आईपीओ जारी गर्न नेपाल धितोपत्र बोर्डबाट अनुमति पाएको थियो । जसमध्ये, १० प्रतिशत अर्थात् १ करोड ४० लाख रुपैयाँ बराबरको १ लाख ४० हजार कित्ता आईपीओ पहिलो चरणमा वैदेशिक रोजगारीमा रहेका नेपालीहरुलाई जारी गर्न लागेको हो ।

वैदेशिक रोजगारीमा रहेका नेपालीहरुले यो आईपीओमा न्यूनतम १० कित्तादेखि अधिकतम १ हजार कित्ताको लागि कात्तिक २४ गतेसम्म आवेदन दिन सक्नेछन् ।

यो आईपीओमा बिक्री प्रबन्धकको काम एनआइएमबि एस क्यापिटलले गरेको छ । लगानीकर्ताले सी–आस्वा प्राप्त बैंक तथा वित्तीय संस्था तथा मेरो सेयरमार्फत आईपीओ भर्न सक्नेछन् ।