१९२ प्रतिशतले बढ्यो कर्णाली डेभलपमेन्ट बैंकको नाफा

यस अवधिमा बैंकले ४७ करोड ८३ लाख रुपैयाँ खुद नाफा आर्जन गरेको छ । नाफा गत आर्थिक वर्षको सोही अवधिको तुलनामा १९२.१५ प्रतिशतले बढि हो । गत आर्थिक वर्षको सोही अवधिसम्ममा बैंकले १६ करोड ३६ लाख रुपैयाँ खुद नाफा कमाएको थियो ।

यस अवधिमा बैंकको खुद ब्याज आम्दानी २१.११ प्रतिशतले घटेको छ भने सञ्चालन मुनाफा भने १९२.१५ प्रतिशतले बढेको छ । समीक्षा अवधिमा बैंकको निष्कृय कर्जा ३.१७ प्रतिशतबाट बढेर ४.४७ प्रतिशत पुगेको छ । कम्पनीको सञ्चालन आम्दानीमा आएको बृद्धिले खुद मुनाफामा बृद्धि आएको हो ।

पुस मसान्तसम्ममा बैंकको वितरणयोग्य मुनाफा ३४ करोड १७ लाख रुपैयाँ ऋणात्मक रहको छ। बैंकको प्रतिशेयर आम्दानी ९ रुपैयाँ ५१ पैसा पुगेको छ भने प्रतिशेयर नेटवर्थ ११० रुपैयाँ १७ पैसा रहेको छ ।