१३ करोड घाटामा रिडी पावर, विद्युत विक्रि आम्दानी ३० करोड

असार मसान्तसम्ममा हाइड्रोपावरले बिद्युत बिक्रि लगाएत अन्यबाट ३० करोड ८४ लाख रुपैयाँ आम्दानी गरेको छ । यो गत आर्थिक वर्षको सोही अवधिको तुलनामा १६.८९ प्रतिशत कम हो। गत आर्थिक वर्षको सोही अवधिसम्ममा हाइड्रोपावरको यस्तो आम्दानी ३७ करोड १२ हजार रुपैयाँ थियो।

समिक्षा अवधिमा कम्पनी १३ करोड ४५ लाख रुपैयाँ घाटामा रहेको छ । अघिल्लो आर्थिक वर्षको अन्त्यसम्ममा कम्पनीले १ करोड ७४ लाख रुपैयाँ खुद मुनाफा आर्जन गरेको थियो ।

चुक्ता पूँजी २ अर्ब ३२ करोड ३३ लाख रुपैयाँ रहेको कम्पनीको रिजर्भ २५ करोड ५२ लाख रुपैयाँ ऋणात्मक रहेको छ। असार मसान्तसम्ममा कम्पनीको प्रतिशेयर आम्दानी ९ रुपैयाँ ५९ पैसा ऋणात्मक रहेको छ भने प्रतिशेयर नेटवर्थ ९४ रुपैयाँ ४४ पैसा रहेको छ।