नेत्रज्योति दिवसका अवसरमा बाल सेवा फाउन्डेशनमा निःशुल्क आँखा परिक्षण

नेपाल नेत्रज्योति संघ केन्द्रिय कार्यालय तथा जिल्ला शाखा काठमाडौंको आयोजना तथा किर्तिपुर आँखा अस्पताल तथा अध्ययन केन्द्रको प्राविधिक सहयोगमा शिविर संचालन गरिएको हो ।

नेपाल नेत्रज्योति संघ काठमाडौं शाखाका सभापति हुकुम प्रसाद पोखरेलका अनुसार फाउन्डेशमा रहेका ५१ जना बालबालिकाहरुको आँखा परिक्षण गरिएकोमा दृष्टिदोषको समस्या देखिएका १२ जनालाई चस्मा र अन्य समस्या देखिएका ९ जनालाई औषधी समेत निःशुल्क वितरण गरिएको थियो भने अन्य समस्या देखिएका २ जनालाई अस्पताल समेत रेफर गरिएको छ ।

संघकी बोर्ड सेक्रेटरी सबिता के।सीका अनुसार उक्त अवसरमा फाउन्डेशनमा आश्रित बालबालिकाहरुलाई खाजा समेत वितरण गरिएको थियो ।

नेपाल नेत्रज्योति संघका ४५ जिल्ला शाखा, २८ आँखा अस्पतालहरुले देशैभरी आज विभिन्न कार्यक्रमहरु आयोजना गरी ४७ औं नेत्रज्योति दिवस मनाएका छन् ।