सेयर बजारमा अन्तिम १५ मिनेटको औषत मूल्य कायम गर्न स्वीकृति, कहिले देखि हुन्छ लागू ?

बोर्डले स्वीकृति दिएपछि अब अन्तिम कारोबार मूल्य निर्धारणका लागि अन्तिम १५ मिनेटको औसत मूल्य नै मान्य हुनेछ । नयाँ व्यवस्था लागू गर्न केही प्राविधिक पक्ष मिलाउनु पर्ने भएकाले कार्यान्वयनमा अझै १५ दिनजति लाग्नेछ।

हालसम्म अन्तिम समयमा जुन मूल्यमा कारोबार हुन्थ्यो, सोही मूल्यलाई भोलिपल्टको पहिलो कारोबार मूल्यका रूपमा मानिन्थ्यो। यसले अन्तिम सेकेन्डमा मूल्य चलखेल गर्ने प्रवृत्ति बढाएको थियो। न्यून कित्ताको कारोबार मार्फत मूल्य १० प्रतिशतसम्म बढाइने र पुनः तल्लो मूल्यमा कारोबार गरिन्थ्यो। अब भने दुई बजेर ४५ मिनेटदेखि तीन बजेसम्म भएका कारोबार मूल्यहरूको भारित औसत मूल्य नै अन्तिम कारोबार मूल्य हुनेछ। भोलिपल्टको पहिलो कारोबार मूल्य २ प्रतिशत तल वा माथि राखेर आदेश दिन सकिनेछ।