कालिन्चोक दर्शनको नाफामा उछाल, ६५३ प्रतिशतले बढ्यो आम्दानी

समीक्षा अवधिमा कम्पनीले ६४ लाख ३४ हजार रुपैयाँ खुद नाफा कमाएको छ। गत आर्थिक वर्षको सोही अवधिसम्ममा कम्पनीको यस्तो नाफा ९८ लाख रुपैयाँ ऋणात्मक रहेको थियो ।

यस अवधिमा कम्पनीले ३ करोड ४३ लाख रुपैयाँ आम्दानी गरेको छ । नाफा गत आर्थिक वर्षको सोही अवधिको तुलनामा ६५३.०८ प्रतिशतले बढि हो । गत आर्थिक वर्षको सोही अवधिसम्ममा कम्पनीले ४५ लाख ६१ हजार रुपैयाँ आम्दानी गरेको थियो ।

गत आर्थिक वर्षको पहिलो ६ महिनासम्ममा ६८ लाख रुपैयाँ ऋणात्मक रहेको कम्पनीको सञ्चालन मुनाफा, चालु आर्थिक वर्षको सोही अवधिसम्ममा १ करोड ३७ लाख रुपैयाँ धनात्मक भएको छ।

५९ करोड ६३ लाख रुपैयाँ चुक्ता पूँजी रहेको कम्पनीको प्रतिसेयर आम्दानी २ रुपैयाँ १६ पैसा पुगेको छ । प्रतिसेयर नेटवर्थ ९७ रुपैयाँ ९४ पैसा छ ।