कान्तिपुरका मालिक कैलाश सिरोहिया विरुद्ध पक्राउ पुर्जी जारी

सिरोहिया विरुद्ध जिल्ला प्रहरी कार्यालय धनुषामा यसअघि नै नागरिकता दुरुपयोग सम्बन्धी कसुरमा जाहेरी दर्ता भएको थियो । जाहेरी दर्ता भएपछि प्रहरीले उनी विरुद्ध पक्राउ अनुमतिका लागि जिल्ला अदालत धनुषामा माग गरेको थियो ।

यसअघि नै सिरोहियाले गृहमन्त्री रवि लामिछानेले आफूमाथि प्रहरी शक्तिको दुरुपयोग गरि धरपकड गर्न सक्ने आशंका गर्दै सर्वोच्च अदालतमा रिट निवेदन दिएका थिए ।

आफूले सञ्चालन गरेको सञ्चारमाध्यमको सामग्रीका कारण आफूमाथि प्रतिशोध साध्न खोजिएको र नागरिकताको बहानामा आफूलाई पक्राउ गरी हतोस्साहित गर्न खोजिएको भन्दै उनले गृह मन्त्रालय र जिल्ला प्रहरी कार्यालय, धनुषालाई विपक्षी बनाएका छन् ।