खराब कर्जा घटेसंगै इन्फिनिटी लघुवित्तको नाफामा उछाल

समिक्षा अवधिमा लघुवित्तले ५ करोड २५ लाख रुपैयाँ खुद नाफा आर्जन गरेको छ । यो नाफा गत आर्थिक वर्षको यसै अवधिको तुलनामा २८०.५६ प्रतिशतले बढि हो । लघुवित्तले गत आर्थिक वर्षको सोही अवधिसम्ममा १ करोड ३८ लाख रुपैयाँ मात्र खुद नाफा कमाएको थियो।

यस अवधिमा लघुवित्तको खुद ब्याज आम्दानी पनि ३.२५ प्रतिशतले बढेको छ त्यस्तै लघुवित्तको खुद सञ्चालन आम्दानी २८५.८४ प्रतिशतले बढेर ७ करोड ५१ लाख रुपैयाँ पुगेको छ । लघुवित्तको खराब कर्जा १४.०४ प्रतिशतबाट घटेर ४.९७ प्रतिशत पुगेको छ ।

त्यस्तै चैत्र मसान्तसम्मा लघुवित्तको प्रतिशेयर आम्दानी १४ रुपैयाँ १० पैसा पुगेको छ भने प्रतिशेयर नेटवर्थ १४४ रुपैयाँ ४५ पैसा रहेको छ ।