.gif)
दोर्दी खोला जलविद्युतले चैत्र १९ देखि हकप्रद जारी गर्ने
काठमाडौं । दोर्दी खोला जलविद्युत कम्पनीले चैत्र १९ गतेदेखि १०० प्रतिशत हकप्रद सेयर जारी गर्ने भएको छ । कम्पनीले १ः१ अनुपातमा १ करोड ५ लाख ४२ हजार ६ सय ४ कित्ता हकप्रद सेयर जारी गर्न लागेको हो ।
यस अनुसार कम्पनीले १ सय रुपैयाँ अंकित मूल्यमा १ अर्ब ५ करोड ४२ लाख ६० हजार ४ सय रुपैयाँ बराबरको हकप्रद सेयर जारी गर्नेछ ।
हकप्रद सेयर प्रयोजनका लागि कम्पनीले फागुन १५ गते बुक क्लोज गरिसकेको छ । फागुन १४ गतेसम्म कायम सेयरधनीले कम्पनीको हकप्रद सेयरमा आवेदन दिन पाउने छन् । ङादी ग्रुपद्वारा जारी हुन लागेको हकप्रदमा लगानीकर्ताले २०८२ बैशाख ८ गतेसम्म आवेदन दिन सक्नेछन् ।
सानिमा क्यापिटल बिक्री प्रबन्धकको रुपमा रहेको छ । कम्पनीको हकप्रदमा सानिमा क्यापिटल नक्साल र सानिमा बैंकका तोकिएका शाखाबाट आवेदन दिन सकिनेछ । यसका साथै धितोपत्र बोर्डबाट आस्वा अनुमति प्राप्त बैंक तथा वित्तीय संस्था र मेरो सेयरमार्फत आवेदन दिन सकिनेछ ।
प्रतिक्रियाहरू
Shares