कुमारी बैंकका संस्थापक सेयरधनीको ५ लाख कित्ता सेयर बिक्रिमा

बैंकका बिभिन्न सेयरधनीहरुले ५ लाख २५ हजार १८ कित्ता सेयर बिक्रिका लागि बैंकमा निवेदन दिएका हुन् । बलराम न्यौपानेले ४ लाख ५० हजार कित्ता र रुविका अग्रवालले ७५ हजार १८ कित्ता सेयर बिक्रिका लागि बैंकमा निवेदन दिएका हुन् ।

संस्थापक शेयर खरिद गर्ने पहिलो हक विद्यमान संस्थापकहरुमा रहने भएकोले उक्त शेयर खरिद गर्न इच्छुक विद्यमान संस्थापक शेयरधनीहरुले सूचना प्रकाशित भएको मितिले ३५ दिन भित्र बैंकको शेयर रजिष्ट्रार, कुमारी क्यापिटल लिमिटेड वा कुमारी बैंक लिमिटेडको प्रधान कार्यालय काठमाडौ, टंगालमा आइपुग्ने गरी आवेदन दिन आग्रह गरेको छ सो सेयरको बिक्री मूल्य विक्रेताले तोके बमोजिम हुनेछ । म्याद भित्र विद्यमान संस्थापकहरुबाट आवेदन नपरेमा संस्थापक भन्दा बाहिर सेयर बिक्रीको प्रक्रिया अगाडि बढाईने बैंकले जनाएको छ ।