१५ अर्ब नाघ्यो विद्युत् प्राधिकरणको नाफा, १३ अर्बको विद्युत् निर्यात

अपरिष्कृत वित्तीय विवरण अनुसार, यस अवधिमा विद्युत् बिव्रmी, ब्याज तथा अन्य आम्दानीबाट कुल ६७ अर्ब २८ करोड ७७ लाख रुपियाँ आम्दानी गरेको प्राधिकरणले जनाएको छ ।

विद्युत् खरिद, प्रशासनिक, आयोजनालगायतमा जम्मा ५१ अर्ब ९२ करोड ७१ लाख रुपियाँ खर्च भएको छ । प्राधिकरणले समीक्षा अवधिमा करकट्टी अघि १५ अर्ब ३६ करोड छ लाख रुपियाँ नाफा आर्जन गरेको छ । गत आव २०७९÷८० को सोही अवधिमा प्राधिकरणको नाफा १० अर्ब ९१ करोड ६० लाख रुपियाँ थियो ।

गत आवको पहिलो छ महिना १२ अर्ब ३३ करोड रुपियाँ आम्दानी गरेकामा समीक्षा अवधिमा चार अर्ब ४४ करोड ४६ लाख रुपियाँले बढी हो । आव २०७२÷७३ मा आठ अर्ब ८९ करोड वार्षिक घाटामा रहेको प्राधिकरण त्यसपछिका वर्षमा निरन्तर नाफामा छ ।

प्राधिकरणको चालु आवको पहिलो छ महिनामा १३ अर्ब ३८ करोड ५६ लाख रुपियाँको विद्युत् भारततर्फ निर्यात गरेको छ । सोही अवधिमा एक अर्ब ९८ करोड ६२ लाख रुपियाँको विद्युत् आयात गरिएको छ ।