महालक्ष्मी विकास बैंकको सिईओ दिपेश लम्सालको तलव /भत्ता १ करोड २५ लाख ७१ हजार

सिईओ लम्साले तलव भत्ता बाहेक बैंकको नियमन अनुसार औषधि खर्च, जीवन बीमा, सवारी साधान, इन्धन खर्च तथा मोबाइल खर्चको रुपमा मोटो रकम लिलै आएको बैंकका एक कर्मचारीले सुनाए । सेयरधनीलाई १०.३७ प्रतिशत लाभांश दिएको बैंकले सिईओ लम्सालाई वर्षमा करोडौं रकम तलव भत्ता दिनुमा सेयरधनीहरुले चर्काे विरोध समेत गरेका छन् । सेयरधनी डमरु बल्लभ घिमिरेको अनुसार सिईओको तलव भत्ता अनुसार सेयरधनीलाई लाभांश कम भएको छ । बैंकका संचालकले के त सिईओको तलव भत्ता घटाउनु पर्यो कि त सेयरधनीलाई लाभांश बढाउनु पर्यो होइन भने सिईओ र संचालकले मात्र बैंकले कमाएको पैसा कुम्ल्याउने महालक्ष्मी विकास बैंकको यो रणनीतिप्रति सेयरधनी घिमिरेले खुलेर विरोध गरेका छन् ।

पछिल्लो समय महालक्ष्मी विकास बैंकको छविमा समेत दाग लगाउने काम यहाँका कर्मचारीहरुले गर्दै आईरहेका छन् । विशेष गरी कर्जा प्रवाहमा देखिएको विकृतिले यति बेला बैंकको छवि दिनप्रतिदिन खस्कदै गएको छ । बैंकको संचालक र व्यवस्थापनको रजाईको विरोध आम सेयरधनीले साधारणसभामा गर्नु पर्ने देखिन्छ । बैंकले बार्षिक साधारणसभा पुष २१ गते त्रिभुवन आर्मी अफिसर्सक्लब भद्रकालीमा विहान १० बजे गर्दैछ ।