बढ्यो घोराही सिमेन्टको नोक्सानी, ५१ करोड घाटामा

समिक्षा अवधिमा कम्पनीले ५१ करोड ३७ लाख रुपैयाँ नोक्सानी ब्यहोरेको छ। गत आर्थिक वर्षको पहिलो त्रैमाससम्ममा कम्पनीले १९ करोड ८८ लाख रुपैयाँ खुद नोक्सानी ब्यहोरेको थियो ।

समीक्षा अवधिमा कम्पनीको सञ्चालन आम्दानी भने घटेर ६६ करोड ८४ लाख रुपैयाँ पुगेको छ । गत आर्थिक वर्षको सोही अवधिसम्ममा कम्पनीको यस्तो आम्दानी ८८ करोड ८८ लाख रुपैयाँ रहेको थियो।

४ अर्ब ५६ करोड ७६ लाख रुपैयाँ चुक्ता पूँजी रहेको यस कम्पनीको रिटेन अर्निङमा १ अर्ब ६७ करोड, अन्य जगेडा कोषमा ७ करोड ९० लाख रुपैयाँ र सेयर प्रिमियमा २ अर्ब ६५ करोड रुपैयाँ सञ्चित छ । कम्पनीको प्रतिसेयर आम्दानी ११ रुपैयाँ २५ पैसा ऋणात्मक रहेको छ भने प्रतिशेयर नेटवर्थ १९६ रुपैयाँ ६३ पैसा रहेको छ।