एनएमबि बैंकको खुद नाफा ४६.०२ प्रतिशतले बढ्यो

ब्याज आम्दानी बढ्नु र इम्पेयरमेन्ट चार्ज घटेका कारण बैंकको नाफा बढेको हो। बैंकको इम्पेयरमेन्ट चार्ज २ अर्ब ३ करोड रुपैयाँबाट ५२.२२ प्रतिशतले घटेर ९५ करोड ८० लाख रुपैयाँमा सिमित भएको छ भने समीक्षा अवधिमा बैंकको खुद ब्याज आम्दानी ११.५ प्रतिशतले बढेर ८ अर्ब २ करोड रुपैयाँमा पुगेको छ।

त्यस्तै, सञ्चालन आम्दानी १४.३४ प्रतिशतले बढेर १० अर्ब ८८ करोड रुपैयाँमा पुगेको छ। चौथो त्रैमाससम्ममा बैंकको खराब कर्जा अनुपात ०.३० प्रतिशत बिन्दुले बढेर ३.७२ प्रतिशत पुगेको छ।

समीक्षा अवधिमा बैंकले २ खर्ब ८० अर्ब रुपैयाँ निक्षेप संकलन गरी २ खर्ब २९ अर्ब रुपैयाँ कर्जा प्रवाह गरेको छ। निक्षेप संकलन २५.४५ प्रतिशत र कर्जा प्रवाह १७.९१ प्रतिशतले बढेको छ।

बैंकको चुक्ता पूँजी १८ अर्ब ३६ करोड रुपैयाँ रहेको छ भने रिजर्भमा १२ अर्ब ३२ करोड रुपैयाँ छ।अघिल्लो वर्ष ९ करोड ३८ लाख ऋणात्मक बैंकको वितरणयोग्य नाफा गत वर्ष सुधार भएर १ अर्ब ९० करोड रुपैयाँ पुगेको छ। वितरणयोग्य नाफा बढेसँगै बैंकको लाभांस क्षमता १०.४० प्रतिशत पुगेको छ, जुन अघिल्लो वर्षको ०.५१ प्रतिशत ऋणात्मक थियो। ।

बैंकको प्रतिसेयर आम्दानी १२ रुपैयाँ २२ पैसाबाट बढेर १७ रुपैयाँ ८७ पैसामा पुगेको छ। यस्तै, बैंकको प्रतिसेयर नेटवर्थ १७६ रुपैयाँ ८१ पैसा रहेको छ।