राधी जलविद्युतको लाभांश सुरक्षित गर्ने आज अन्तिम मौका

कम्पनीको वार्षिक साधारणससभा भने पुस १८, दरबार रेष्ट्रो एण्ड पार्टी भेन्यू, तिखेदेवल ललिलपुरमा बिहान १० बजे बस्नेछ । सभामा शेयरधनीलाई ४.७५ प्रतिशत बोनस शेयर र कर प्रयोजनका लागि ०.२५ प्रतिशत गरी कुल ५ प्रतिशत लाभांश वितरणको प्रस्ताव पेश हुनेछ ।

साथै कम्पनीले १ः०.६९८९ अनुपातमा हकप्रद जारी गर्नेछ । कम्पनीले प्रतिकित्ता १०० रुपैयाँका दरले १ करोड २८ लाख ५२ हजार ६२६।४४ कित्ता हकप्रद जारी गर्ने बताएको छ ।

साथै, सभाले गत आर्थिक वर्षको वार्षिक प्रतिवेदनसहित वित्तीय विवरण छलफल गरी पारित गर्नेछ ।

त्यस्तै, सभाले चालू आवका लागि लेखापरीक्षकका नियुक्ति गरी निजको पारिश्रमिक निर्धारण गर्ने, कम्पनीको प्रबन्धपत्र तथा नियमावलीमा संशोधन गर्न सञ्चालक समितिलाई अख्तियारी दिनेछ ।