पुनर्बीमा कम्पनीको पूँजी २० अर्ब पुर्याइने, हिमालयनले १०० प्रतिशत बढाउन पर्ने

प्राधिकरणका अनुसार पुनर्बीमा कम्पनीहरुको चुक्ता पूँजी बढाएर २० अर्ब पुर्याउने निर्णय भएको हो । नेपालमा हाल नेपाल पुर्नबीमा कम्पनी र हिमालयन रिइन्स्योरेन्स गरी २ वटा पुनर्बीमा कम्पनीहरु सञ्चालनमा छन् ।

कम्पनीहरुलाई पूँजी बढाउन एक वर्षको समय सिमा दिने निर्णय प्राधिकरणले गरेको छ । २०८१ माघ मशान्तसम्म २० अर्ब पूँजी पुर्याउनुपर्ने गरी निर्देशन निर्णय भएको हो ।

असार मसान्तसम्मको वित्तीय विवरण अनुसार नेपाल पुनर्बीमा कम्पनीको चुक्ता पुँजी १२ अर्ब ८१ करोड रुपैयाँ रहेको छ भने हिमालयन रिइन्स्योरेन्सको १० अर्ब रुपैयाँ रहेको छ । यसआधारमा पुनर्बीमा कम्पनीले आफ्नो चुक्ता पुँजी ५६।१ प्रतिशतले वृद्धि गर्नुपर्नेछ भने हिमालयन रिइन्स्योरेन्सले १०० प्रतिशतले पूँजी वृद्धि गर्नुपर्नेछ ।