आजसम्म कायम सेयरधनीहरुले मात्र लिबर्टी इनर्जीको ५० प्रतिशत हकप्रद पाउने

कम्पनीले हकप्रद प्रयोजनाका लागि भोलि कार्तिक २१ गते एक दिनका लागि बुकक्लोज गर्ने भएकाले आज कार्तिक २० गतेसम्म कायम सेयरधनीहरुले मात्र कम्पनीको हकप्रदमा आवेदन दिन पाउनेछन् ।

नेपाल धितोपत्र बोर्डले कम्पनीलाई हाल कायम चुक्ता पूँजीको शतप्रतिशत अर्थात १ बराबर ०.५० अनुपातमा प्रतिशेयर १०० रुपैयाँ अंकित मूल्यका ७५ अर्ब रुपैयाँ बराबारको ७५ लाख कित्ता हकप्रद सेयर निष्काशन गर्न अनुमति प्रदान गरेको थियो ।

कम्पनीको सेयर निष्काशन तथा बिक्री प्रबन्धक प्रभु क्यापिटल लिमिटेड रहेको छ। हाल कम्पनीको चुक्ता पूँजी १ अर्ब ५० करोड रुपैयाँ रहेको छ। ५० प्रतिशत हकप्रद शेयर निष्काशन पश्चात कम्पनीको चुक्ता पूँजी २ अर्ब २५ करोड रुपैयाँ पुग्नेछ।