हिमालयन लाइफ इन्स्योरेन्सको १९ औँ वार्षिक साधारणसभा सम्पन्न

कम्पनीको संचालक समितिको अध्यक्ष शुलभ अग्रवालको अध्यक्षतामा सम्पन्न सभाले सञ्चालक समितिबाट प्रस्तुत हुने गत आर्थिक वर्ष २०८१/८२ को वार्षिक प्रतिवेदन र लेखापरीक्षकको लेखापरीक्षण प्रतिवेदन स्वीकृत गरेको छ।

साथै सभाबाट चालु आर्थिक वर्ष २०८२/८३ का लागि बाह्य लेखापरीक्षकको नियुक्ति र निजको पारिश्रमिक निर्धारणसम्बन्धी प्रस्ताव पारित भएको छ। यस्तै, सभाले सञ्चालक समितिबाट नियुक्ति गरिएको स्वतन्त्र सञ्चालकको नियुक्तिका साथै सञ्चालक समितिको खर्च पनि अनुमोदन गरेको छ।

सभाले साधारणसभाका प्रस्तावित विषयमा नियमनकारी निकायले कुनै फेरबदल वा संशोधन तथा परिमार्जन गर्न निर्देशन भएमा सोहीबमोजिम गर्न सञ्चालक समितिलाई अख्तियारी प्रदान गर्ने प्रस्ताव पनि पारित गरेको छ।

सभामा बोल्ने वक्ता सेयरधनीहरुले नयाँ प्रमुख कार्यकारी अधिकृत कपिल कुमार दाहालको सफल कार्यकालको शुभकामना व्यक्त गर्दै यस आर्थिक वर्ष २०८२.८३ मा लाभांश पाउने आशा व्यक्त गरेका थिए ।