सेयरधनीलाई लाभांश दिन कन्ज्युसाई गरेको सानिमा बैंकले संचालकको भत्ता ४६ प्रतिशतले बढाउँदै

काठमाडौं । सेयरधनलाई लाभांश दिन कन्ज्युसाई गरेको सानिमा बैंक लिमिटेडले संचालकहरुको भत्ता बृद्धिमा भने मन ठूलो पारेर भत्ता बृद्धिको तीन महले प्रस्ताव साधारणसभा लैजाने तयारी गरेको छ । गत आर्थिक वर्ष २०८०/८१ को बैंकको नाफालाई हेर्दा सेयरधनीलाई १३ प्रतिशत लाभांश दिने क्षमता भएतापनि ५.२६ प्रतिशत नगद लाभांश दिएको सानिमा बैंकले संचालकहरुको भत्ता बृद्धिमा भने कन्ज्युसाई गरेको छैन् । पब्लिक सेयरधनीलाई भन्दा पनि संस्थापक सेयरधनीहरुको स्वार्थलाई केन्द्र बिन्दुमा राखेर हिजोको दिन देखि लाभांश दिदै आईरहेको यस सानिमा बैंकले संचालकहरुको भत्तामा भने ४५.८३३ प्रतिशत बढाउने तयारी गरिरहेको छ । बैंकको बार्षिक प्रतिवेदन अनुसार संचालक समितिको अध्यक्षको बैठक भत्ता १३ हजारबाट २४ हजार अर्थात ११ हजार रुपैयाँ बढी र अन्य संचालकहरुको १२ हजारबाट २२ हजार अर्थात १० हजार रुपैयाँ बढी बढाउने प्रस्ताव बैंकले साधरणसभामा लैजाने तयारी गरेको छ । सेयरधनीलाई लाभांश दिन कन्ज्युसाई गर्ने यस बैंकको संचालक भत्ता बृद्धिको प्रस्तावको चर्काे विरोध गर्ने सेयरधनीले तयारी गरेका छन् । लाभांशमा पनि चरम असन्तुष्टि व्यक्त गर्दै आईरहेका सेयर बजारका चर्चित लगानीकर्ता एवम् सेयर विश्लेषक अर्थ कागज डट कमलाई भने-' सानिमा बैंकले पव्लिक सेयरधनीलाई सानिमाको जस्तो हाईन, सैतनी आमाको जस्तो व्यवहार गरेको छ । लाभांश दिदा संस्थापकलाई फाइदा हुने गरी नगद मात्र दिने, तलव भत्ता बृद्धि गर्दा संचालकलाई फाइदा हुने गरी प्रस्ताव ल्याउने, अब सानिमा बैंकमा संचालक र सिईओ मिलेर मच्चाइएको लुटतन्त्रमाथि सेयरधनीले हस्ताक्षेप गर्ने दिन आएको छ ।'