एनएमबि बैंकद्धारा प्रहरीलाई उद्दार सामग्री हस्तान्तरण

एनएमबी बैंकका प्रमुख कार्यकारी अधिकृत गोविन्द घिमिरेले काठमाडौं उपत्यका प्रहरी कार्यालयका कार्यालय प्रहरी अतिरिक्त महानिरीक्षक टेक बहादुर तामाङलाई औपचारिक रुपमा ती उद्दार सामग्रहीहरु हस्तान्तरण गरिएको हो । उक्त कार्यक्रममा गरिका सामग्रीहरुमा रवर बोटसहित लाइफ ज्याकेटहरु र अन्य आपतकालीन उपयोगी उपकरणहरु समावेश छन् ।

मनसुनको समयमा बाढी, डुबान तथा अन्य जलजन्य विपद् तथा आकस्मिक घटनाहरुको सम्भावना उच्च हुने भएकाले, यस किसिमको सहयोगले प्रहरीको कार्यक्षमतामा सहयोग पुग्ने अपेक्षा बैंकले राखेको छ ।

एनएमबि बैंकले सामाजिक उत्तरदायित्व अन्तर्गत शिक्षा, स्वास्थ्य, वातावरण, तथा विपद् व्यवस्थापना जस्ता विभिन्न क्षेत्रहरुमा निरन्तर योगदान पुर्याउँदै आईरहेको छ । यस प्रकारको सहयोगले समुदायमा बैंकको प्रतिबद्धता झल्काउने विश्वास बैंकको रहेको छ । एनएमबि बैंकले हाल देशभरी २०२ शाखाहरु, १७८ एटिएमहरु र ९ एक्सटेन्सन काउन्टरहरु मार्फत उच्चस्तरीय सेवा प्रदान गर्दै आईरहेको छ ।