८१ वटा कम्पनीको आईपीओ पाइपलाइनमा, कुन कम्पनीको कति कित्ता ?

काठमाडौं । आईपीओ श्किासनको लागि ८१ वटा कम्पनीको पाइपलाइनमा रहेको छ । ८१ वटा कम्पनी नेपाल धितोपत्र बोर्ड (सेबोन) को अनुमति पर्खिरहेका हुन् । सेबोनको अनुसार होटल समुहको ७ वटा कम्पनी, जलविद्युत कम्पनी ४२ वटा, इन्भेष्टमेन्ट  समुह ३, उत्पादन समुह १५ वटा, माइक्रो फाइन्नास समुह १ वटा, माइक्रो इन्स्योरेन्स समुह ३ वटा र अन्य समुहको ११ वटा कम्पनी रहेको छ । सेबोनले आईपीओ निश्कासनको अनुमति दिन ढिला सुस्तीले विभिन्न कम्पनीको आर्थिक अवस्था नाजुक समेत भैसकेका छन् । हाइड्रो पावरका आयोजनाहरुको काम ढप्प भएका छन् । जसले कम्पनीलाई आर्थिक भार दिनप्रतिदिन बढ्दै गएको एक जलविद्युत कम्पनीका संचालक बताउँछन् । इप्पानले आईपीओ निश्कासनको लागि पहल पनि नगरेको होइन । बारम्बार पहल गरेपनि सेबोनका नयाँ अध्यक्ष सन्तोष नारायण श्रेष्ठले टेरपुच्छर लगाएका छैनन् । सेबोन नयाँ अध्यक्ष पाएपनि आईपीओ निश्कासन ढिला सुस्ता गर्नुले सेबोनका अध्यक्ष सन्तोष नारायण श्रेष्ठ माथि आम लगानीकर्ताले शंकाको नजरले हेर्न थालेका छन् ।