रु रु जलविद्युतमा संचालकहरुले लिए डबल सुविधा, तलव/भत्ताको नाममा लुटतन्त्र !

काठमाडौं । रु रु जलविद्युत परियोजना लिमिटेडका संचालकहरुले डबल सुविधा लिएका छन् । यस कम्पनीका संचालकहरुले तलव सँगै भत्ता पनि लिएका छन् । अन्य पव्लिक कम्पनीमा संचालकहरुले बैठक भत्ता मात्रै लिने व्यवस्था भएपनि यस कम्पनीका संचालकहरुले भने मासिक भत्ता र तलव बापत लाखौं रकम कुम्लाएका छन् । कम्पनीको बार्षिक प्रतिवेदन २०८० ८१ अनुसार कम्पनीका अध्यक्ष आशिष सुवेदीले तलव भनेर ५ लाख ५२ हजार ५ सय रुपैयाँ बुझेका छन् । अध्यक्ष सुवेदीले बैठक वापत भने ५३ हजार ५ सय रुपैयाँ लिएका छन् । त्यसै गरी संचालक चन्द्र बहादुर पुनले तलव वापत ५ लाख ४० हजार रुपैयाँ र बैठक भत्ता ३८ हजार ५ सय रुपैयाँ, गोविन्द चालिसेले तलव वापत ६ लाख १५ हजार रुपैयाँ र बैठक भत्ता ४९ हजार ५ सय रुपैयाँ, सागर पाठकले तलव वापत ६ लाख ४५ हजार रुपैयाँ र बैठक भत्ता ३३ हजार रुपैयाँ, सरिता शाक्य प्रधानले तलव वापत ५ लाख ४० हजार रुपैयाँ र बैठक भत्ता ४४ हजार रुपैयाँ, गरिमा अधिकारीले तलव वापत ५ लाख ४० हजार रुपैयाँ र बैठक भत्ता ३३ हजार रुपैयाँ र दिल बहादुर श्रेष्ठले तलव वापत ३ लाख १५ हजार रुपैयाँ र भत्ता ११ हजार रुपैयाँ बुझेका छन् ।