७३ प्रतिशतले बढ्यो हिमालयन लघुवित्तको नाफा, ईपिएस कति ?

समिक्षा अवधिमा लघुवित्तले १ करोड १३ लाख रुपैयाँ खुद नाफा आर्जन गरेको छ । यो नाफा गत आर्थिक वर्षको यसै अवधिको तुलनामा ७३.८७ प्रतिशतले बढि हो । लघुवित्तले गत आर्थिक वर्षको सोही अवधिसम्ममा ६५ लाख रुपैयाँ मात्र खुद नाफा कमाएको थियो।

यस अवधिमा लघुवित्तको खुद ब्याज आम्दानी पनि ४.४६ प्रतिशतले बढेको छ त्यस्तै लघुवित्तको खुद सञ्चालन आम्दानी ६३.७२ प्रतिशतले बढेर १ करोड ६२ लाख रुपैयाँ पुगेको छ । लघुवित्तको खराब कर्जा ४.९१ प्रतिशतबाट घटेर ४.६१ प्रतिशत पुगेको छ ।

लघुवित्तको प्रतिशेयर आम्दानी ४ रुपैयाँ ७५ पैसा पुगेको छ भने प्रतिशेयर नेटवर्थ १२६ रुपैयाँ ४६ पैसा रहेको छ ।