प्रभु बैंकको नाफामा ९६५ प्रतिशत छलाङ्ग

काठमाडौं । प्रभु बैंक लिमिटेडले गत आर्थिक वर्षको चौथो त्रैमाससम्म उल्लेखनीय वित्तीय उपलब्धि हासिल गरेको छ। बैंकले यस अवधिमा ५ अर्ब ४४ करोड २६ लाख ९३ हजार रुपैयाँ खुद नाफा कमाएको छ, जुन अघिल्लो वर्षको सोही अवधिको तुलनामा ९६५.४० प्रतिशतले बढि हो । अघिल्लो आर्थिक बर्षमा बैंकले ५१ करोड ८ लाख रुपैयाँ नाफा कमाएको थियो। बैंकका अनुसार, समिक्षा अवधिमा खुद ब्याज आम्दानी भने ३९.४६ प्रतिशतले घटेर ७ अर्ब १९ करोड ७८ लाख ६४ हजार रुपैयाँमा सीमित भए पनि सञ्चालन नाफा भने ९९.४४ प्रतिशत बढेर ६ अर्ब २८ करोड २७ लाख ६१ हजार रुपैयाँ पुगेको छ।असार मसान्तसम्म बैंकको वितरणयोग्य नाफा १ अर्ब ४ करोड ५१ लाख ८ हजार रुपैयाँ र लाभांश वितरण क्षमता ४.४४ प्रतिशत रहेको छ। प्रतिसेयर आम्दानी २३.१२ रुपैयाँ र प्रतिसेयर नेटवर्थ १६२ रुपैयाँ पुगेको बैंकले जनाएको छ।