आज यी स्थानमा भारी वर्षाको संभावना

यद्यपि, बंगालको खाडीबाट जलवाष्पयुक्त हावा प्रवेश गरिरहेकाले देशभर सामान्यतया आंशिकदेखि पूर्ण बदली रहने विभागले जनाएको छ। अहिले बिहान बागमती, गण्डकी र सुदूरपश्चिम प्रदेशका केही स्थानमा हल्का वर्षा भइरहेको छ।

पछिल्लो २४ घन्टामा गोरखाको बारपाकमा सर्वाधिक ७७ मिलिमिटर वर्षा रेकर्ड भएको छ। त्यस्तै, सिन्धुपाल्चोकको गोब्रेमा ७५.४, काठमाडौंको धापमा ६६.२ र अछामको सुगालीमा ५५.४ मिलिमिटर वर्षा भएको विभागले जनाएको छ।

मंगलबार दिउँसो कोशी, बागमती, गण्डकी, लुम्बिनी, कर्णाली र सुदूरपश्चिम प्रदेशका पहाड तथा तराईका केही स्थानमा र मधेस प्रदेशको तराईमा पनि एक–दुई स्थानमा मध्यम वर्षा हुने अनुमान गरिएको छ। साथै, कोशी र बागमती प्रदेशका पहाडी भू–भागका केही स्थानमा भारी वर्षा हुने सम्भावना रहेको महाशाखाले जनाएको छ।