ओम मेगाश्रीको आईपीओ आगामी साता बाँडफाँट हुने

कम्पनीले फागुन २७ गतेदेखि मंगलबारदेखि चैत ३ गते आईपीओ बिक्री खुला गरेको थियो । कम्पनीले १४ लाख ७६ हजार कित्ता शेयर सर्वसाधारणका लागि निष्काशन गरेको हो । उक्त १ लाख ४७ हजार ६ सय जनाले १०–१० कित्ताका दरले पाउने छन् ।  तर कुन दिन आईपीओ बाँडफाँट गर्ने मिति तय भइनसकेको बिक्री प्रबन्धक प्रभु क्यापिटल लिमिटेडले जनाएको छ ।

कम्पनीको आईइपीओका लागि १९ लाख ८५ हजार ६६३ जनाले आवेदन दिएका छन् । आईपीओका लागि आवेदन दिने अन्तिम दिनसम्म २ करोड ३६ लाख ५९ हजार १ सय २० कित्ताका लागि आवेदन परेको थियो । कम्पनीले पहिलो चरणको वैदेशिक रोजगारीमा रहेका नेपालीहरूका लागि निष्काशन गरेको आईपीओ बाँडफाँट गरेपछि दोस्रो चरणमा सर्वसाधारणका लागि आईपीओ जारी गरेको हो ।

कम्पनीले जारी पुँजी ६० करोड रुपियाँको ३० प्रतिशतले हुन आउने १८ लाख कित्ता शेयर निष्काशन गर्न नेपाल धितोपत्र बोर्डबाट अनुमति पाएको थियो । जसमध्येबाट पहिलो चरणमा १ लाख ८० हजार कित्ता वैदेशिक रोजगारीमा रहेका नेपालीहरूलाई, ५४ हजार कित्ता कम्पनीका कर्मचारीहरूलाई र ९० हजार कित्ता सामूहिक लगानी कोषहरूलाई बाँडफाँट गरिसकेको छ ।