एनएलजी इन्स्योरेन्सको हकप्रद सुरक्षित गर्ने आज अन्तिम अवसर

कम्पनीले हकप्रद प्रयोजनाका लागि भोलि कार्तिक २७ गते एक दिनका लागि बुकक्लोज गर्ने भएकाले आज कार्तिक २६ गते गतेसम्म नेप्सेमा कारोबार भई कायम सेयरधनीहरुले मात्र कम्पनीको हकप्रदमा आवेदन दिन पाउनेछन् ।

नेपाल धितोपत्र बोर्डले कम्पनीलाई हाल कायम १ कित्ता सेयर बराबर नयाँ ०.६२५६ कित्ता हकप्रद सेयर निष्कासन गर्न अनुमति दिएको थियो । कम्पनीले ९६ करोड ३१ लाख २२ हजार रुपैयाँ बराबरको ९६ लाख ३१ हजार २२० दशमलव २२ कित्ता हकप्रद शेयर बिक्री गर्न अनुमति दिएको हो ।

कम्पनीको हकप्रदमा लगानीकर्ताले मंसिर ११ गतेदेखि पुस १ गते बैंकिङ्ग समयसम्ममा आवेदन दिन सक्नेछन् । कम्पनीले हकप्रद शेयर निष्कासनको लागि बिक्री प्रबन्धकमा लक्ष्मी क्यापिटल मार्केट लिमिटेडलाई नियुक्त गरिसकेको छ ।