बाढीले आयोजनामा क्षति पुर्याएपछि माण्डु हाइड्रोपावरको नाफामा भारी गिरावट
प्रकाशित:
३० वैशाख २०८२
काठमाडौं । माण्डु हाइड्रोपावर लिमिटेडले चालु आर्थिक वर्षको तेस्रो त्रैमाससम्मको वित्तीय विवरण प्रकाशित गरेको छ । विवरण अनुसार कम्पनीको विद्युत बिक्री आम्दानी गत आर्थिक वर्षको सोही अवधिको तुलनामा ६४.८२ प्रतिशतले घटेको छ । चालु आर्थिक वर्षको चैत मसान्तसम्ममा कम्पनीले विद्युत बिक्रीमार्फत २० करोड ४७ लाख रुपैयाँ आम्दानी गरेको छ । गत आर्थिक वर्षको सोही अवधिसम्ममा कम्पनीले ५८ करोड २० लाख रुपैयाँ यस्तो आम्दानी गरेको थियो।
गत असोज महिनामा गएको बाढीले कम्पनीको आयोजनामा ठूलो क्षति पुर्याएपछि विद्युत बिक्री आम्दानीसँगै कम्पनीको खुद नाफा पनि घटेको कम्पनीले बताएको छ । समीक्षा अवधिमा कम्पनीको खुद नाफा ३२.१८ प्रतिशत घटेर १५ करोड २ लाख रुपैयाँमा सीमित भएको छ। त्यस्तै, कम्पनीको कुल आम्दानी समीक्षा अवधिमा २३.८९ प्रतिशत घटेको छ भने सञ्चालन मुनाफा २४.०८ प्रतिशत घटेको छ। कम्पनीको वित्तीय खर्च पनि समीक्षा अवधिमा २८.४० प्रतिशत घटेको छ।
समीक्षा अवधिमा कम्पनीको प्रतिशेयर आम्दानी ६ रुपैयाँ ९७ पैसा घटेर १४ रुपैयाँ ६९ पैसामा झरेको छ। चैत मसान्तसम्ममा कम्पनीको प्रतिशेयर नेटवर्थ १४६ रुपैयाँ १० पैसा रहेको छ भने मूल्य आम्दानी अनुपात ५९.६९ गुणा रहेको छ।
प्रतिक्रियाहरू
लोकप्रिय समाचार
सम्बन्धित खबर
Shares