ग्लोबल मनि सप्ताह अवसरमा सामुदायिक लघुवित्तद्धारा साक्षरता कार्यक्रम कार्यक्रम सम्पन्न

वित्तिय साक्षरता कार्यक्रममा विद्यार्थीहरुलाई बचतको महत्व, भोलिको दिनमा हामिले दिने ऋणको उपयोग, आवश्यकता तथा सदुपयोगिता आदीको बारेमा साक्षरता प्रदान गरिएको थियो, त्यसैगरि वर्तमान दिनमा बैंकिङ सेवा, बैंकका काम कारवाही, बैंक खाता, डिजिटल बैंकिङ सेवा, डिजिटल फ्रड बाट बच्ने उपायहरु, सामुदायिक लघुवित्त वित्तिय संस्थाद्धारा प्रदान भैरहेका वित्तिय सेवाहरु, शेयर, IPO आदीको बारेमा विद्यालयका शिक्षकहरु सहित कक्षा ८, ९, ११ र १२ का विद्यार्थीहरुलाई वित्तिय साक्षरता प्रदान गरिएको थियो ।

कार्यक्रमको सभापतित्व विद्यालयका प्र.अ. हर्क बहादुर भुजेलले गर्नुभएको थियो भने संस्थाको परिचय तथा संस्थाको वर्तमान वित्तिय सेवा बारेमा वित्तीय संस्थाको केन्द्रीय कार्यालयबाट आउनु भएका सञ्चालन विभागका विभागीय प्रमुख सुमन दनुवार र सामान्य सेवा विभाग प्रमुख मिलन महर्जनले गर्नुभएको थियो, कार्यक्रम सञ्चालन तथा वित्तिय साक्षरता प्रदान गर्ने काम संस्थाको क्षेत्रिय कार्यालय मन्थलीका क्षेत्रिय अधिकृत भरत खड्काले गर्नुभएको थियो । कार्यक्रममा शाखा कार्यालय मन्थलीका शाखा प्रमुख रमेश पौडेल, शाखाका कर्मचारीहरु प्रमोद यादव, चन्द्र बहादुर श्रेष्ठको उपस्थिति रहेको थियो ।