आज र भोलीसम्म देशका यी ठाउँमा पानी पर्ने

जल तथा मौसम विज्ञान विभागका अनुसार आज दिउँसो कोशी, मधेश, बागमती र गण्डकीलगायत देशका पहाडी भू-भागमा आंशिकदेखि साधारणतया बदली रही बाँकी भू-भागमा आंशिक बदली रहनेछ । 

कोशी, मधेश, बागमती, गण्डकीका केही स्थानमा, लुम्बिनी र कर्णालीका पहाडी भू-भागका थोरै स्थानमा तथा बाँकी भू-भागका एक-दुई स्थानमा चट्याङसहित हल्कादेखि मध्यम वर्षाको सम्भावना रहेको छ ।

कोशी, बागमती, गण्डकी र कर्णालीका हिमाली भू-भागका थोरै स्थानमा समेत हल्का वर्षा/ हिमपातको सम्भावना रहेको विभागले जनाएको छ ।

त्यसैगरी राति भने कोशी, मधेश, बागमती र गण्डकीलगायत देशका पहाडी भू-भागमा आंशिकदेखि साधारणतया बदली रही बाँकी भू-भागमा मौसम मुख्यतया सफादेखि आंशिक बदली रहनेछ ।

कोशी, मधेश, बागमती र गण्डकीका थोरै स्थानमा तथा बाँकी प्रदेशका पहाडी भू-भागका एक-दुई स्थानमा हल्कादेखि मध्यम वर्षाको सम्भावना छ ।

कोशी, बागमती र गण्डकीका हिमाली भू-भागका थोरै स्थानमा भने हल्का वर्षा/ हिमपातको सम्भावना रहेको विभागको भनाइ छ ।

मंगलबार पनि कोशी, मधेश, बागमती, गण्डकी प्रदेशका थोरै स्थान तथा बाँकी भू-भागका एक-दुई स्थानमा हल्कादेखि मध्यम वर्षा हुनेछ ।

त्यस्तै कोशी प्रदेश, बागमती र गण्डकी प्रदेशका हिमाली भू-भागका थोरै स्थानमा समेत हल्का वर्षा/ हिमपातको सम्भावना हुने विभागको भनाइ छ ।