रिलायन्स स्पिनिङ्ग मिल्सको आईपीओ पुस ७ गतेदेखि बिक्री खुला

अर्थकागज

प्रकाशित: २८ मंसिर २०८२

काठमाडौं । सर्वसाधारण लगानीकर्ताको पखाईमा रहेको रिलायन्स स्पिनिङ्ग मिल्स लिमिटेडको आईपीओ पुस ७ गतेदेखि बिक्री खुला हुने भएको छ । कम्पनीले सर्वसाधारणलाई ९ लाख २४ हजार ७ सय ६८ कित्ता सेयर बिक्री खुला गर्नेछ । लगानीकर्ताले पुष ११ गतेसम्म आवेदन दिन सकिने छ । बुक विल्डिङ विधिबाट निष्काशन गरिएको आईपीओ भएकोले यस आईपीओमा आवेदन दिंदा न्युनतम ५० कित्ता र अधिकतम २० हजार कित्ताको लागि आवेदन दिनु पर्ने छ । कम्पनीले प्रति कित्ता ८२० रुपैयाँ ८० पैसाको दरले आईपीओ निष्काशन गर्न लागेको हो। शेयर निष्काशनको लागि ग्लोबल आईएमई क्यापिटल बिक्री प्रबन्धक रहेको छ।