आजदेखि हिम स्टार ऊर्जा कम्पनीको पहिलो चरणको आईपीओ बिक्री खुला

जसमध्ये जारी पुँजीको ५ प्रतिशत अर्थात् १ लाख ८६ हजार ५०० कित्ता आयोजना प्रभावित क्षेत्रका स्थानीय बासिन्दा र २५ प्रतिशत अर्थात् ९ करोड ३२ लाख ५० हजार रुपियाँबराबरको ९ लाख ३२ हजार ५०० कित्तामध्ये ९३ हजार २५० कित्ता साधारण शेयर वैदेशिक रोजगारीमा गएका नेपालीका लागि बिक्री गर्नेछ ।

आयोजना प्रभावितका लागि छुट्याइएको आईपीओमा​ओखलढुंगा जिल्ला, जिजिदेम्बा गाउँपालिका वडा नं ८ (साबिक भुसिंगा गाविसका सबै वडा) र सोलुखुम्बुको लिखुपिके गाउँपालिका वडा नं. २ (साबिक गोली गाविस वडा नं. १, २, ३, ४, ५) का स्थानीय बासिन्दाले आवेदन दिन सक्नेछन् ।

दुवै श्रेणीका लगानीकर्ताले न्यूनतम १० कित्ता र अधिकतम १० हजार कित्ताका लागि आवेदन दिन सक्नेछन् ।

आयोजना प्रभावित बासिन्दाका लागि निष्कासन बन्द छिटोमा असार १३ गते हुनेछ भने ढिलोमा असार २९ गते हुनेछ । त्यस्तै, वैदेशिक रोजगारीमा रहेका नेपालीहरुले भने असार १३ गतेभित्रै आवेदन दिइसक्नुपर्नेछ ।

यता कम्पनीले ७० हजार ९१० कित्ता साधारण शेयर कर्मचारीहरुका लागि र १ लाख ७७ हजार २७५ कित्ता सेयर सामूहिक लगानी कोषहरुका लागि सुरक्षित गरेको छ। बाँकी रहेको २९ लाख ४२ हजार ७६० कित्ता सेयर भने कम्पनीले सर्वसाधारणका लागि निष्काशन गर्नेछ ।

आईपीओ निष्कासनका लागि गराएको रेटिङमा इक्रा नेपालले कम्पनीलाई इक्रा एनपी इस्युअर रेटिङ डबल बी माइनस प्रदान गरेको छ । यसले कम्पनीको दायित्व बहन गर्ने क्षमतामा औसत जोखिम रहेको संकेत गर्दछ ।

कम्पनीको धितोपत्र निष्कासन तथा बिक्री प्रबन्धकमा एनआइसी एशिया क्यापिटल रहेको छ ।