घलेम्दी हाइड्रोको हकप्रद सेयर भर्नु भयो ? आवेदन दिने आज अन्तिम दिन

कम्पनीले १०० रुपैयाँ अंकित दरमा गत मंसिर १० गतेदेखि निष्कासन गरेको २०० प्रतिशत हकप्रद सेयरमा आवेदन दिने आज अर्थात पुस १६ गते अन्तिम दिन रहेको हो ।

कम्पनीले हकप्रदबाट उठाएको रकमलाई संखुवासभामा रहेको ६३ मेगावाट क्षमताको चुजुङ खोला हाइड्रोपावर प्रोजेक्टको ५१ प्रतिशत सेयरमा लगानी गर्ने योजना बनाएको छ । चुजुङ खोला आयोजना सांग्रीला उर्जा प्रालिबाट प्रवद्र्धित कम्पनी हो ।

कम्पनीले कात्तिक ३ गतेलाई हकप्रदका लागि बुक क्लोज मिति तोकेको थियो । यसको अर्थ कात्तिक ३ गतेभन्दा अघिल्लो दिनसम्म कायम घलेम्दीका सेयरधनी हकप्रद आवेदन दिन योग्य हुनेछन् । हाल यो कम्पनीको चुक्तापूँजी ५५ करोड रुपैयाँ रहेको छ । हकप्रद निष्कासन पश्चात कम्पनीको चुक्तापुँजी १ अर्ब ६५ करोड पुग्नेछ ।