डबल डिजिटमा लाभांश दिने उदारो प्रतिवद्धतासँगै सगरमाथा लुम्बिनीको साधारणसभाबाट संचालकको १०८.३३ प्रतिशत बैठक भत्ता बृद्धिको प्रस्ताव पारित

अध्यक्षले सेयरधनीले उठाएको मनोरन्जन खर्च लगायतको प्रश्नको उत्तर नदिई सेयरधनीको माझा लाभांशको वाण फाले । न्यून संख्यामा सेयरधनी उपस्थित रहेको र ठूलो संख्यामा कर्मचारी उपस्थिति भएको सभाहलमा अध्यक्ष दासले यस आर्थिक २०८१/८२ मा डबल डिजिट भन्दा धेरै लाभांश दिने र संचालक समितिको बैठक भत्ताको विरोध नगर्ने अनुरोध गरे । त्यो पनि नगद र बोनस सेयरमा ५० ५० प्रतिशतको अनुपातमा लाभांश दिने उदारो प्रतिवद्धता गरे । अध्यक्ष दासको यो प्रतिवद्धतासँगै सेयरधनी संचालक समितिको बैठक भत्ता बृद्धिको प्रस्ताव पारित गर्न राजि भएका थिए । अर्काे वर्ष बम्पर प्रतिफलमा नगद र बोनस सेयरको अनुपात सन्तुलन नआए बार्षि साधारणसभा चर्काे विरोध गर्ने सेयरधनीहरुले अध्यक्ष र सिईओलाई चेतवानीसमेत दिएका छन् ।

कम्पनीको सभामा संचालक समितिको अध्यक्षको प्रति बैठक भत्ता १२ हजारबाट २५ हजार र संचालक समितिका सदस्यहरुको प्रति बैठक भत्ता १० हजारबाट २३ हजार पुर्याउने प्रस्ताव गरेको थियो । त्यसै गरी त्यसै गरी समिति वा उप समितिका संयोजक था सदस्यहरुको बैठक भत्ता पनि प्रति बैठक भत्ता १० हजारबाट २३ हजार पुर्याउने प्रस्ताव गरेको थियो । जुन बैठक भत्ता १०८.३३ प्रतिशतले बढेको हो ।

अध्यक्षले यस डबल डिजिटमा लाभांश दिने घोषणसँगै सेयरबजारका लगानीकर्ता यति खेर तंरगित भएका छन् । अहिले नै अध्यक्ष र सिईओले पब्लिक फोरम नै लाभांश घोषणा गरेपछि लगानीकर्ताले आवाज उठाउन थालेका छन् । लाभांश आउने हिसावले दोस्रो बजारमा लगानी गरौला, भोली लाभांश आएन भने त डुबिने लगानीकर्ता चन्द्रकान्त श्रेष्ठले बताए । कम्पनी अध्यक्ष दासले इन्साइडर सुचना फैलाएर नेपाल धितोपत्र बोर्ड (सेबोन) र नेपाल स्टक एक्स्चेन्ज (नेप्से) लाई खुलमखुला चुनौती दिएको श्रेष्ठको भनाई रहेको छ ।